اريد اكتب قصيده وشنطي عنوان

اريد اكتب قصيده وشنطي عنوان
وبيك اتمثلت احلى العناوين
يمن بيك المحنه وبيك الاحساس
يمن حبك مثل ورد البساتين
بيك الدنيا داخت باأحلى نصرات
وعشاكك صفوا مثل المجانين
يازهرة ربيع معطره ودوم
ويالحبك جره دم بالشرايين
يمن تحمل قلب مايعرف يجور
شهود بهاي ماحاجه البراهين
نعم ياروحي انت وكل الافكار
واحسن فكري واني وياك محتارين
وعشكتك موعشك نزوات لاوالله
صرت مثل السكف وانت الحياطين
المحنه البيك والله تشيب الراس
ووياك الزمن خلف نياشين
ووضحلك حبيبي الحال بالحال
دموع تسيل واتجوي البراكين
والله دمعي حبيبي صدك يهون
وحبي وياك صار بلايه تعيين
وشوكي وياك صدك صارله هواي
اكثر من عمرنا وصارله سنين